_*Iki Katuturan Satru Ring Awakta*_
Sujatininya lwire : mata, kuping, cunguh, rawos, purus, lima, kulit, silit, batis, tanah, langit, geni, banyu, angin, surya, bintang, bulan, meme, bapa, piank, ngendusin, pules. Sami *suwa*, suwa ngaran lewih.
Sami sarwa tumuwuhe dadi ruang musuh ring raga, sami mulih ring lampah ala ayu, ya anggon meme, anggon bapa, anggon nyama, anggon dewa, anggon kala, anggon bhuta, ento pilihin genahang ring raga apang dadi ruang, apang dadi pengidupan, pangupa jiwa, apang tusing paling, sane jati kaden tuara, ane tusing kaden saja, apang eda salah surup ring awak.
Dadi ditu ada atma, ya dewa, ya nyama, ya meme, ya bapa, ya pati atma dadi guruning awak, dadi inget dadi engsap, jani patitis, eda ngulah laku lampahe, pelajahin apang bisa ngala ayuang. Kenehe nyanan apang tawang, ngendusin apang tawang bayune, mesuang apine apang tawang, buin pidan bakal mati apang tawang, teken krodane apang tawang, teken momone apang tawang, ne ring jaba jero apang tawang, teken mertane apang tawang, teken atmane apang tawang, teken sakite apang tawang, teken segere apang tawang, teken sugihe apang tawang, tongos bayune ring jaba jero apang tawang.
Sabda Idep keneh manah apang tawang, apan manusane ngamong sami mungguh ring bhuwana alit.
Apan dini ring awakta, to dadi ruang musuh, di gumine kayang kawekas tusing bisa mati di gumine, kayang kawekas tusing bisa mati, sajeroning hidup dadi manusa, ento alih ring awak mula genahnia, sane paek tuara tawang, sane joh ruruh alih.
Sujatine mula ne patpat aptitis, pinehin saidupe, rahina weng, tan lian, bayu, sabda, idep, adnyana, nyali, papusuhan, polo mulih ring angkihan, mata kiwa mata tengen, manah mulih ring adnyana.
Rahayu.
Komentar
Posting Komentar