Pupuh Pucung Anggen Ngempu Rare

Nini ngempu,
Mwang nini masikep sadu.
Kaki ngagem pedang.
I Bapa ngagem keris.
Meme ngempu.
Mengabih mengagem cakra.

Nyama catur.
Sami pada mengempu.
Marep wetan kidul.
Di lor pada mangemit.
Siang dalu.
Sami pad mawisesa.

Dewa ditu.
Dewa catur pada ngempu.
Pengarasing ika.
Dewa sanga pada ngapit.
Siwa ngempu.
Paramasiwane mengemban.

Dewa patuh.
Bhatara sami sakumpul.
Maring kuri panunggal.
Pucuking Gunung Kawi.
Apan ditu.
Kawitaning bhuwana

AM  NGAM.
Siwane pada ngempu.
Sami pada ngempu.
Paramasiwane mangapit.
Ong Ong Sa Ba.
Ta A I Na Ma Si Wa Ya.

Ong Ong Ham Ham Ngam.
Bayu sabda idep tungtung.
Panang lalan ikang.
Maring Hyang Pretiwi.
Sabda urip.
Magenah ing batun salak.

Hyang umungguh.
Ring ati Ida malungguh.
Ngam Ngame idepang.
Ring ampru Ida malinggih.
Malih dahat.
Ka madya ning papusuhan.

Mijil mungguh.
Magenah ring ilat ingsun.
Ong Ong e idepang.
Maring madyane malinggih.
Malih duhut.
Sengka ring oucuking lidah.

Ida murub.
Ring rahasia mungguh murub.
Ring tung tusing lidah.
Ida padane malinggih.
Maring anu.
Saraganing rasyamuka.

Telah kauh.
Malayu pada manungkul.
Inget ring umahnya.
Mulih kauh mulih kangin.
Mulih kelod suba alas.

Durga patuh.
Sarwa aeng pada patuh.
Sarwa galak olas.
Sarwa mandi pada asih.
Pada lulut.
Sami pada ya nembah.

Ngedap murub.
Sembar kangin sembar kauh.
Kaja kelod.
Babutan ring alas.
Karang mangsul.
Mundur sakwehing babutan.

Keplag keplug.
Makeplug i leyak gundul.
Metu ring petala.
Gurun nyane twah kekalih.
Sang Hyang Bayu.
Tekening Sang Hyang Anantabhoga.

Ksyah ksyuh.
Nuding kangin nuding kidul.
Kaj babutan tlas.
Kauh sami pad alilih.
Pada mundur.
Pada mangingetin umah.

_*Ong Bhaerawi ya namah*_